නාසයේ අවහිරතාවයෙන් ඔබත් පීඩා විඳිනවාද?

උගුර, කන, නාසය හා ගෙල පිළිබඳ විශේෂඥ ශල්‍ය වෛද්‍ය සීතා අරඹේපොළ

යම් පුද්ගලයකුගේ ආශ්වාස ප්‍රශ්වාසය නතර වුවහොත් කුමක් සිදුවෙයිද? ඔව් , ඔබ සිතුවා නිවැරදියි. ඒ ජීවිතයේ අවසානයයි. ආශ්වාස ප්‍රශ්වාසය නතරවීමත් සමගම අපගේ මරණයද සිදුවනු නියතය. අප මෙලොවට බිහි වූදා සිට මියෙන තුරු සිදු ආශ්වාස ප්‍රශ්වාසය අපගේ කිසිඳු අනුදැනුමකින් තොරව සිදුවේ.එය ඒ තරමටම ජීවිතයට සාමාන්‍ය දෙයකි. නමුත් ආශ්වාස ප්‍රශ්වාසය අසාමාන්‍ය බව දැනෙන්නේ ශ්වසන අපහසුතා මතු වු විටය. සරලව නාසයේ ඇති වන අවහිරතා තත්ත්වයේ සිට ශ්වසනයට අධිකය බාධා ඇති වන තත්ත්වය දක්වා අසාද්‍ය තත්ත්වයට පත්වීමට නාසයේ ඇති ව්‍යුහමය බාධා බලපෑ හැකිය.

නාසයේ අවහිරතා ඇතිවන්නට හේතු

§  උපතේදීම ඇති වන නාසයේ අවහිරතා

§  නාසයේ බිත්තියෙ ඇති වෙනස්කම්

§  නාසය තුල ගැටිති විශාල වීම (Turbinules)

§  නාසය තුල මස් දළු ඇති වීම හා ඇඩිනොයිඞ් ග්‍රන්ථිය විශාල වීම.

උපතේදීම ඇති වන නාසයේ අවහිරතා

උපතේදීම ඇති වන නාසයේ අවහිරතා පිළිබඳ අපට අවබෝධයක් නොතිබුනද පසු කාලීනව මතු වන සංකූලතා තත්ත්වය ජීවිතය පවත්වාගෙන යාමට සෘජුවම බලපෑ හැකිය. එවැනි උපතේදී ඇති වන නාසයේ ව්‍යුහමය අවහිරතා වනුයේ නාස් කුහර දෙකම පිටු පස  ද්වාරයක් රහිතව පිහිටීමයි. ( Choaíl atretia)  බාහිර පෙනුමෙන් නාසය මනාව පිහිටා ඇති මුත් එහි ඇතුලත කුහරය පටලයකින් හෝ අස්ථියකින් සම්පූර්ණයෙන් වැසී පැවතීම මෙයට හේතුවයි. කළලය ගර්භෂය තුල විකසනය වන විට ඇති වන වර්ධනයේ අසම්පුර්ණතා හෝ කළලයේ විකෘතිතාවයක් නිසා මෙය සිදුවන අතර එහිදී ඒ හා සම්බන්ධ තවත් රෝගී තත්ත්වයන් ( Charge Syndrome ) දරුවන්ට ඇති විය හැක. මෙවැනි තත්ත්වයන් හඳුනාගත් වහාම ශ්වසන මාර්ගය ශල්‍යකර්මයක් මගින් විවෘත කිරීම මගින් ජීවිතය පවත්වා ගැනීමට දරුවන්ට හැකි වනු ඇත.

නාසයේ බිත්තියෙ ඇති වෙනස්කම්

අප සරලව දන්නා අයුරින් නාසය කුටීර දෙකකින් යුක්ත වන්නා සේම එය එලෙස බෙදා වෙන් කිරීමට අවශ්‍ය බිත්තියක් නාසයේ මධ්‍යයේ පිහිටා තිබේ. නමුත් කුඩා කල දරුවන් ක්‍රිඩා කිරීමේදී , වැඩිහිටියන් හෝ ළමයින් අඩදබර කර ගැනීමකදී හෝ උපතින්ම මෙම බිත්තිය සරල රේඛාවක පිහිටීම වෙනුවට ඇද කුද සහිතව පිහිටිය හැකිය. එලෙසම මෙම බිත්තිය අස්ථි හා කාටලේජ යන දෙවර්ගයෙන්ම සෑදී ඇති නිසා ඒවායේ අනවශ්‍ය වර්ධනයක්ද බිත්තියේ අසමතුලිතතාවයන්ය හේතුවිය හැකිය.

නාසය තුල ගැටිති විශාල වීම

පීනස තත්ත්වයන් නිසා හෝ ආසාත්මිකතා හේතුවෙන් මෙම ගැටිති තුල වාතය පිරුණු කුටීර ඇති විය හැකිය. එලෙස ප්‍රමාණයෙන් විශාල වන මෙම ගැටිති නිසා ශ්වසනයට බාධා ඇති වී විශේෂයෙන් රාත්‍රියට මුඛයෙන් හුස්ම ගැනීමටත් අධික ලෙස ගෙරවීමටත් ඉඩ ඇත.

මෙවැනි තත්ත්වයන් ඇති වීමට හේතුවනුයේ

§  දීර්ඝ කාලීනව නාස් කුහර ආශ්‍රිතව ඇතිවන වීෂ බීජ තත්ත්වයන් නිසා.

§  විවිධ විෂ වායු  හා දූවිලි නිතර නිතර ආඝ්‍රානය වීම නිසා.

§  ඇදුම තත්ත්වය නිසා.

§  විවිධ අසාතමිකතා නිසා.

ඉතා කුඩා ප්‍රමාණයේ ගැටිති මගින් කිසිම රෝග ලක්ෂණයක් ඇති නොවුනද ඒවා විශාල වීමෙන්

§  නාස් කුහරය සිරවීම නිසා නාසයෙන් දියර ගැලීම, විවිධ ගන්ධයන් හා රස නොදැනී යාම

§  හුස්ම ගැනීමේදී නාසය හිරවී ඇති ලෙස දැනීම

§  නිතර කිවිසුම් යාම

§  නාස් කුහරය වටා ඇති කුහර වල විෂ බීජ තත්ත්වයන් ඇතිවීම නාසයෙන් ලේ ගැලීම

වැනි රෝග ලක්ෂණ පෙන්නුම් කරයි.

නාසය තුල මස් දළු ඇති වීම හා ඇඩිනොයිඞ් ග්‍රන්ථිය විශාල වීම

මෙම තත්ත්වයන් ඉතා සුලබව දක්නට ලැබෙන අතර ඇඩිනොයිඞ් ග්‍රන්ථියේ ඉදිමීම සුලබව දරුවන් තුලද දැකිය හැක. කෙසේ නමුත් මෙලෙස ආසාත්මිකතාවයන්ටත් සංකූලතාවයක් ලෙස මස්දළු ඇති වීම මෙන්ම ඇඩිනොයිඞ් ග්‍රන්ථියේ ඉදිමීමද ඇතිවිය හැක. නාසය තුල ඉතා තද අවහිරතාවයක් මෙන්ම ගඳ සුවඳ නොදැනීයාමටද මෙය හේතුවේ.

නාසයේ අවහිරතා සඳහා ප්‍රතිකාරයන්

මුල් අවදියේදී නාසයට දමන බින්දු ලබා දෙන අතර අසාත්මිකතා සදහා දෙනු ලබන ඖෂධ හා ප්‍රථිජීවක ඖෂධ මගින්ද ප්‍රථිකාර කරනු ලැබේ. ඉහත සාකච්ජා කල ව්‍යුහමය වෙනස්කම බොහොමයක් ඖෂධ මගින් යථාතත්ත්වයට ගැනීමට ඉතා අපහසුය.

නාසයේ මස් දළු ඇඩිනොයිඞ් ග්‍රන්ථි ඉදිමුම් හා පීනස තත්ත්වයන් යම්තාක් දුරට පාලනය කරගත හැකිමුත් නාසයේ මැද බිත්තියෙ ඇති වන  ව්‍යාකූලතා ශල්‍යකර්මයකින් යථාතත්ත්වයට පත් කළයුතුය.

Endoscopy Assisted Septoplasty මෙම ශල්‍යකර්මය භාවිතය නාසයේ අවහිරතා සඳහා සිදු කරන ප්‍රතිකර්ම අතර ඉතා වැදගත් තැනක් උසුලයි. එම ශල්‍යකර්මය නාසයේ බිත්තිය තුල ඇති ඇද දුරු කිරීමට යොදා ගනියි. නාසය සිරවීම රාත්‍රි නින්දේදී ශ්වසනයට ඇති බාධා, ගෙරවීම , නිතර හිසරදය ,කන් අගුල් වැටීම වැනි විවිධ රෝග තත්ත්වයන් නාසයය තුල අධිකව ඇද කුද සහිත බිත්තියක් තිබීමෙන් ඇති විය හැකිය. ඖෂධ වලින් සුවයක් නොමැති නම් වෛද්‍යවරයා ඔබව ශල්‍යකර්මයකට යොමු කරනු ඇත. ඉහත සඳහන් කල එන්ඩොස්කොපි ආධාරයෙන් මෙම ශල්‍යකර්මය සිදු කල විට රෝහල්ගතව සිටිය යුතුකාලය අවම වන අතර පිටතට පෙනෙන කිසිඳු කැළලක් හෝ මැහුම් වලින් තොරව එක් දිනකින් රෝහලෙන් පිටවිය හැකි අකර සංකූලතාද අවම වේ.

නාසය තුල ගැටිති විශාල වීම ප්‍රතිකාර කිරීමෙන් පසුව වුවද දීර්ඝ කාලීනව නාස් කුහර ආශ්‍රිතව ඇතිවන වීෂ බීජ තත්ත්වයන්, විවිධ විෂ වායු හා දූවිලි නිතර නිතර ආඝ්‍රානය වීම නිසා නාසය තුල ගැටිති තත්ත්වයන් නැවත ඇතිවීමේ අවධානමක් ඇත. මෙම තත්ත්වය වලක්වා ගැනීමට නාස්කුහරයේ ඇතිවන විෂ බීජ තත්ත්වයන්ට වහාම ප්‍රථිකාර ගැනීමත් නිතර නිතර දූවිලි හා විෂ වායුවර්ග වලට නිරාවරණය නොවීමට වග බලාගැනීම හා එවැනි එවැනි අවස්ථාවලදී මුඛය හා නාස් ආවරණ පැලදීමට හැකිය.

…

මාලඹේ නෙවිල් ප්‍රනාන්දු ශික්ෂණ රෝහලේ උගුර, කන, නාසය හා ගෙල පිළිබඳ විශේෂඥ ශල්‍ය වෛද්‍ය සහ  ජේෂ්ඨ කථිකාචාර්ය වෛද්‍ය සීතා අරඹේපොළ මහත්මිය සමග කල සාකච්ඡාවක් ඇසුරිණි.

සැකසුම සහ සටහන දිශාන්ති වෙදගේ.

Courtesy 

ෆෝන් එක අතට ගත්තු ගමන්මද? මේ ගැනත් හිතන්න

පසුගිය සති අන්තයේ කාර්යාල දුම්රියේ නිවස බලා යද්දී මගේ ආසනය ඉදිරියේ වාඩි වෙලා ගමන් ගත්ත, වයස අවුරුදු වයස අවුරුදු හැටක පමණ මහත්මයෙක් ෆෝන් එකේ Clash of Clans ගේම් එක සෙල්ලම් කරනවා දැක්කා කිව්වොත් සමහරවිට Roar කියවන ඔබ පුදුම වේවි! පසුගිය දවස්වල ෆේස්බුක් සමාජ ජාලය ඔස්සේ සංසරණය වුණු, Clash of Clans ක්‍රීඩා කරන ආච්චිගේ පින්තූරෙත් මේ වන විටත් ඔබ දැක ඇතුවා වෙන්නට පුළුවනි.

දැන් ෆෝන් එකේ එල්ලිලා ඉන්නේ තරුණ තරුණියෝ විතරක් නෙමෙයි

නමුත් කතන්දරේ ඒකමත් නෙවෙයි, මේ ගේම් එක සෙල්ලම් කරමින් ගිය මහත්මයා දෙපැත්තේ වාඩි වෙලා උන්නේ ඒ මහත්මයාගේ වයසේම වාගේ තවත් මහත්මයෙක් සහ විශ්වවිද්‍යාල ශිෂ්‍යාවක්- මේ දෙන්න අතරෙ සිදු වුන දෙබස, සමහරවිට සිද්ධ වුන දේ ගැන ඔබට අනුමානයක් මේ වනවිටත් ඇතිවා වෙන්න පුළුවන්.

“ බලන්නකෝ අර අහවලාගේ පුතා, මුළු දවසෙම ගේම් ගහනවානේ!” ඔන්න ඔය විදියටයි අර සම-වයසේම වාගේ පෙනුන අනික් මහත්මයා කතාවක් පටන් ගත්තේ. අර තරුණ ශිෂ්‍යාවත් නිකං උන්නේ නෑ, දෙන්නත් එක්කම එකතු වෙලා අපේ ගේම් ගහන මහත්මයාව පොඩ්ඩක් විහිලුවට අල්ලගත්තා, නමුත් මේ සංවාදය හිනාව කට කොනකින් හංගාගෙන අහගෙන උන්නු මට වැදගත් දෙයක් අහන්න නොලැබුණා කියන්නත් බැහැ. උදේ පටන් රාත්‍රියේ නින්දට යායුතු වෙලාව වෙන තුරුමත්, නින්දට යා යුතුව ඇති වෙලාවෙත් පමණක් නෙවෙයි, අහාර ගන්නා වෙලාවේ පවා ජංගම දුරකතනයෙන් ගේම් සෙල්ලම් කරන දරුවෝ කිහිප දෙනෙක්ගේ හැබෑ කතන්දර කිහිපයක් මේ සංවාදයේදී අහන්න ලැබුණා. අන්න ඒ නිසාම  ඔබ වෙනුවෙන්, දවසෙම ජංගම දුරකථනයට ‘ඇබ්බැහි වී’ සිටීමෙන් ඇතිවිය හැකි අනිසි පල විපාක ගැන සොයා බලන්න කල්පනා කළා.

ජංගම දුරකතනයට ඇබ්බැහි වූ අය ගැන මනෝ විද්‍යාඥයන් කියන කතාව.

ඔබත් මේ වගේ රැය පහන් කරනවා ද? මේ අනතුරු ඇඟවීම ඔබටමයි! (www.dailymail.co.uk)

මේ ගැන සොයා යද්දී අපට හොයාගන්න ලැබුනේ එක්සත් රාජධානියේ ලන්ඩන් විශ්ව විද්‍යාලයේ ආචාර්ය Tomas Chamorro ප්‍රමුඛ මනෝ විද්‍යාඥ කණ්ඩායමක් විසින් පසුගිය වසරේ මේ පිලිබඳ කරන ලද අධ්‍යයනයක් පිළිබඳව යි. ජංගම දුරකථනය හා ජංගම දුරකථනය ආශ්‍රිතව නිරන්තර අන්තර්ජාලය සහ වීඩියෝ ක්‍රීඩාවල නිරත වීමෙන් කෙනෙකුට ඇති විය හැකි ප්‍රධාන ගැටළු කිහිපයක්ම මෙම අධ්‍යනයේදී අනාවරණය වී තිබුණා.

සමාජ විරෝධී පෞරුෂයක් වර්ධනය වීම

මේ අධ්‍යයනයේදී හෙළි වුන වැදගත්ම දෙයක් තමයි අධික ලෙස ජංගම දුරකතනයට හුරු වී සිටීමෙන් සෑම දස දෙනෙකුගෙන් එක් අයෙකුම සැබෑ ලෝකයේදී සමාජ ආශ්‍රයට අකමැති, සමාජ විරෝධී පුද්ගලයෙකු බවට පත්වෙන්න පුළුවනි යන්න. ඉතින් දවසෙම ජංගම දුරකථන ඔස්සේ ක්‍රීඩා කරමින් හෝ අන්තර්ජාලයේ හෝ සමාජ ජාලවල සැරිසරමින් ලබන විනෝදයෙන් පසුව මෙවැනි පුද්ගලයෙකු බවට තමන්ගේ පෞරුෂය වෙනස් වෙන්න ඉඩ අරින එක නම් පොඩ්ඩක් හිතල බලන්න ඕන කාරණයක් කියල තමයි අපිට හිතෙන්නේ.

‘රැල්ලට’ නොයා ඉන්න බැරිකම හෙවත් Fear of Missing Out (FOMO)

මේක නම් ඇත්තටම බැලූ බැල්මට සමාජ ජාල දෙස බැලීමේදී අපටත් පැහැදිලිව පෙනෙන්න තියෙන දෙයක් වාගෙයි. නොයෙක් කාලයන්ට එන විවිධ ප්‍රවණතා එක්කම, විවිධ චැලේන්ජ්, විවිධ තරඟ බොහොම ඉක්මනින් හැමෝම කරන්න පටන් ගන්න හැටි අපටත් දකින්න ලැබෙනවානේ. ඉතිං මේ විධියේ සමාජ ප්‍රවණතා සමග ඒ විධියටම අනුගත වෙන්න ආසාවක්, එසේ නොවී ඉන්න නොහැකිකමක් සැබෑ ජීවිතයේදී පවා අපේ සිතේ ගොඩ නැගෙන්න අධික ජංගම දුරකථන භාවිතය හෙළි වෙනවා කියන කාරණයත් මේ පර්යේෂණයේදී හෙළි වෙලා තියෙනවා.

අවධානය ගිලිහී යාම/පහත මට්ටමකට වැටීම

ඔබගේ අවධානය ජංගම දුරකථනය සදාකාලිකවම උදුරාගනිවී ද? (www.bebrainfit.com)

මේ පර්යේෂණයෙන් හෙළි වුන තවත් කාරණයක් විධියට අවධානය රැකගැනීමේ අපහසුතා ඇතිවීමේ වැඩි අවධානමක් අධික ජංගම දුරකථන භාවිතය නිසා සිදු වෙනවා. අප නියැලී සිටින අධ්‍යාපනික හෝ වෙනත් ඕනෑම කටයුත්තකදී, අවධානය ගිලිහෙන එක නම් බරපතල ගැටළුවක් බව විශේෂයෙන් කියන්න අවශ්‍ය නැහැ. ඉතින් මේ තත්ත්වය අධික ජංගම දුරකථන භාවිතය නිසා වැඩි වෙන බවක් තමයි පර්යේෂක කණ්ඩායම ප්‍රකාශ කරන්නේ.

ඕනෑවටත් වඩා මමත්වය

පර්යේෂකයන් පිරිස පෙන්වා දෙන අයුරින් මේ අයට මුහුණ දෙන්න සිදුවන තවත් ගැටළුවක් තමයි පමණට වඩා අධික මමත්වය කියන්නේ. මේ ගැන පොඩි පැහැදිලි කිරීමක් කලොත්, මේ අය පමණටත් වඩා අනවශ්‍ය තත්වයක් සහ අගයක් තමන් වෙනුවෙන් වෙන් කරනවා. ආත්ම විශ්වාසය අපේ ජීවිතයට අත්‍යවශ්‍ය දෙයක් බව සැබෑ නමුත්, මේ කියන්නේ එහෙම දෙයක් ගැන නම් නෙවෙයි. තමන් විසින්ම තමන් ප්‍රසිද්ධ පුද්ගලයෙක් ගණයේ සලකන මානසික තත්වයක් ඇති වීමේ අවධානමක් සමාජ ජාල සහ අන්තර්ජාල භාවිතය අධික වීම නිසා ඇති විය හැකියැයි විද්‍යාඥයන් පවසනවා. මේ කාරණය ඇති වීමටත් ජංගම දුරකතනයේ සීමා රහිත භාවිතය නිසා සිදුවන බලපෑම විස්තර කරන්නට අවශ්‍ය නැති තරම්.ලොව පුරා අන්තර්ජාල භාවිතා කරන්නන් අතරෙන් ඒ ඒ කලාපවල අන්තර්ජාලයට ඇබ්බැහි වූවන්ගේ ප්‍රතිශතය. (www.dailymail.co.uk/)

මීට අමතරව විද්‍යාඥයන් විසින් අනාවරණය කරගන්නට යෙදුණ තවත් වැදගත් කාරනා බොහොමයක් තිබෙනවා. ඔවුන් පවසන්නේ ලොව පුරා අන්තර්ජාල පරිශීලකයන් අතරින් මිලියන 182ක පමණ ප්‍රමාණයක් අන්තර්ජාලයට ‘ඇබ්බැහි වී’ ඇති තත්වයක් පෙන්නුම් කරන බවයි. ඔවුන් අනතුරු අඟවන්නේ මොවුන්ගෙන් සෑම සිව් දෙනෙකුගෙන් එක් අයෙකුම සමාජ විරෝධී හැසිරීම් ප්‍රදර්ශනය කිරීමේ සම්භාවිතාව අධික බවයි.

කොයි හැටි වේවා ජංගම දුරකථන, සමාජ ජාල සේම අන්තර්ජාලය කියන්නේ වර්තමාන ලෝකය උඩු යටිකුරු කල නිර්මාණ බව නම් නොකියාම බැරි තරම්. මෙම මෙවලම් සහ පහසුකම් නිසාම එදිනෙදා ජීවිතයේ කටයුතු සහ ව්‍යාපාර කටයුතු පහසු වී ඇතිවා සේම, අප වෙත ගෙන එන දැනුම සහ විනෝදය අසීමිතයි. සිතන්න, Roar හි මේ ලිපිය ඔබ වෙත එන්නේත් අන්තර්ජාලය ඔස්සේ ජංගම දුරකතනයක් හරහා විය හැකියි. අන්න ඒ නිසාම, මේ මෙවලම්, අපගේ ජීවිතයට හානිදායක නොවන අයුරින් භාවිතා කිරීම අප හැමදෙනාම සතු වගකීමක්.