ජාතික අක්ෂි බැංකුව අලුත් වේ

ජාතික අක්ෂි බැංකුව අලුත් වේ

ජාතික අක්ෂි බැංකුව මහජන ආරක්‍ෂීත පදනමක් වශයෙන් ස්ථාපිත කිරිමට ඉදිරිපත් කරන ලද යෝජනාවට කැබිනට් අනුමැතිය ලබා දී තිබේ.

ජනමාධ්‍ය ප‍්‍රවෘත්තී දෙපාර්තමේන්තුවේ පැවැති කැබිනට් තීරණ දැනුම් දීමේදී කැබිනට් අමාත්‍ය කෙහෙලිය රඹුක්වැල්ල මහතා මේ බව දැනුම් දුන්නා. මෙම යෝජනාව අමාත්‍ය මෛත‍්‍රිපාල සිරිසේන මහතා විසින් ජාතික අක්‍ෂි බැංකුව පාර්ලිමේන්තු පනතක් මඟීන් මහජන ආරක්‍ෂිත පදනමක් වශයෙන් ස්ථාපිත කිරීමට ඉදිරිපත් කර තිබේ.

ලෝ පුරා අන්ධභාවය වැඩි වශයෙන් ආසියාවේ පැවතෙන අන්ධභාවයේ ප‍්‍රධාන හේතුව වී තිබෙන්නේ කනීනකාවට ඇති වන බාධකය. ආසියාව කනීනිකා සමාජය මෙම අන්ධභාවය සඳහා ප‍්‍රතිකාර ලබා දීමටත් ඒ සම්බන්ධයෙන් මහජනතාව තුළ අධ්‍යයනයක් ඇති කිරීමටත් පිහිටුවා තිබේ. ශ‍්‍රි ලංකාවේ ජාතික අක්ෂි බැංකුව ලාභ නොලබන සංවිධානයක් වේ. එය පිහිටුවා තිබෙන්නේ ද ඇස් දන්දීම ලබා ගැනිමටත් අක්ෂී රෝගවලින් පෙලෙන්නට සුවය අත්පත් කර දීමටත්ය.